Həsənov Vəkil Səfiyar oğlu 1957-ci ildə anadan olub.
1976-1981-ci illərdə Bakı Dövlət Universitetinin tarix fakültəsini bitirib.

Ali məktəbi bitirdikdən sonra 1981-ci ildə təyinatla Azərbaycan Milli Elmlər Akademiyasının Tarix İnstitutunda  işə başlayıb.
1981-1988-ci illərdə həmin institutda baş laborant, 1988-1989-cu illərdə isə kiçik elmi işçi vəzifələrində çalışıb.
1988-ci ildə tarix elmləri namizədi alimlik dərəcəsi almaq üçün dissertasiya işini müdafiə edib.
1989-1990-cı illərdə Azərbaycan Politexnik İnstitutunda müəllim işləyib.
1990-cı ilin oktyabrından Azərbaycan Dövlət İqtisad Universitetində işləyir.
1990-1992-ci illərdə Universitetin “Azərbaycan tarixi” kafedrasında müəllim işləyib.
1992-1994-ci illərdə baş müəllim vəzifələrdə çalışıb.
1994-2012-ci illərdə həmin kafedrada dosent vəzifəsini tutub.
2008-ci ildə tarix elmləri doktoru alimlik dərəcəsi almaq üçün dissertasiya müdafiə edib. 2012-ci ilin fevralından “Azərbaycan tarixi” kafedrasının professoru vəzifəsində çalışıb.
2017-ci ilin mayından UNEC-in “Humanitar fənlər” kafedrasının müdiridir.

ELMİ ƏSƏRLƏRİNİN SİYAHISI
ELMİ ƏSƏRLƏRİNİN SİYAHISI (hiperlinkli)

Azərbaycan Respublikası Prezidenti yanında Ali Attestasiya Komissiyasında “Tarix və Siyasi elmlər” bölməsinin ekspert şurasının üzvüdür. Respublika Həmkarlar İttifaqlarının işində yaxından iştirakına görə 2011-ci ildə “Həmkarlar İttifaqlarında xidmətlərinə görə” medalı ilə təltif olunub.
Azərbaycan Respublikası Prezidentinin 24 sentyabr 2020-ci il Sərəncamına əsasən Azərbaycan Dövlət İqtisad Universitetinin 90 illiyi münasibətilə və Azərbaycanda təhsilin inkişafındakı xidmətlərinə görə “Əməkdar müəllim”  fəxri adına layiq görülmüşdür.

Ailəlidir, üç övladı var.